Agence France-Presse-ის ცნობით, ჟურნალისტმა მაიკლ რასელმა ”ოქროს გლობუსი”-ს ცერემონიის ორგანიზატორებს სასამართლოში უჩივლა. ჟურნალისტმა ისინი ქრთამის აღებაში და კონტრაქტის დარღვევაში დაადანაშაულა. რასელი ფიქრობს, რომ თუ ამ პროცესს მოიგებს, იგი ორგანიზაციისგან 2 მილიონ დოლარს მიიღებს კონტრაქტის დარღვევის და ხელფასის დაგვიანების გამო. იურიდიულ დოკუმენტში ჟურნალისტმა მიუთითა, რომ ”ოქროს გლობუსი”-ს ცერემონიის ორგანიზატორებმა ბოროტად გამოიყენეს თავიანთი ძალაუფლება. ისინი მონაწილეობდნენ არაკანონიერ და არაეთიკურ გარიგებებში. 36 ფურცლიანი სარჩელი ჟურნალისტმა 14 იანვარს შეიტანა ლოს-ანჯელესის სასამართლოში. როდესაც HFPA-ის წარმომადგენლებმა ამის შესახებ შეიტყვეს, სარჩელს უსაფუძვლო უწოდეს და თავი უდანაშაულოდ ცნეს.