როგორც იქნა, გამომცემლობა Ubisoft-მა დააანონსა Assassin’s Creed: Revelations. როგორც მოსალოდნელი იყო, თამაში არ იქნება სრული მესამე ნაწილი, ის იქნება მხოლოდ ტრილოგიის დასკვნითი ნაწილი, რომელიც მიეძღვნება ეციო აუდიტორეს. ამჯერადაც მთავარი როლი დაეთმობა მის წინაპარს ალტაირს. ”Assassin's Creed Revelations-ში ეციო აუდიტორე მიჰყვება თავისი ლეგენდარული წინაპრის, ალტაირის ნაკვალევს, ეს მოგზაურობა კი მას საშუალებას მისცემს აღმოაჩინოს ახალი საიდუმლოებები. სახიფათო მოგზაურობა ეციოს მიიყვანს კონსტანტინოპოლში, ოსმანების იმპერიის შუაგულში, სადაც ტამპლიერების მზარდი არმია ცდილობს დაარღვიოს სიმშვიდე ადგილობრივ მიწაზე.” - აცხადებს პრეს-რელიზერი.შემქმნელები გვპირდებიან გაუმჯობესებულ და გაფართოებულ მულტიპლეერს. უფრო მეტი სათამაშო რეჟიმი, მეტი რუკა, მეტი პერსონაჟი. სიუჟეტური კამპანია გვთავაზობს ახალ გეიმპლეის, სადაც მოთამაშეს საშუალება ექნება მართოს ანიმუსი, დესმონდის მოგონებების დახმარებით გაშიფროს წარსულის საიდუმლოებანი და გაეცნოს მომავალს. ”Assassin’s Creed: Revelations-ში ჩვენ დავამატეთ ბევრი ახალი ფუნქცია და უამრავი საინტერესო სიურპრიზი. ვერ დაველოდებით, რათა ვაჩვენოთ ჩვენს ფანებს თუ რა მოვამზადეთ E3-სთვის ამ წელს.” წერს სტუდია Ubisoft Montreal-ის შემოქმედებითი დირექტორი ალექსანდრ ემენსიო. თამაში შესაძლებელი იქნება შემდეგ პლატფორემბზე: PC, PS3 და Xbox 360, რელიზი კი დაგეგმილია ამა წლის ნოემბერში.
